Drenica ka mbetur pa fitore në elitën e futbollit kosovar edhe në këtë fundjavë.
“Kuqezinjtë” barazuan të dielën në stadiumin “Bajram Aliu” në Skenderaj me rezultatin 2:2 ndaj Dukagjinit të Klinës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFitorja e fundit e Drenicës në Superligë është më 13 nëntor.
Ndërkohë, Dukagjini vazhdon ecurinë pa humbje në Superligë. Të dielën e regjistroi barazimin e katërt rresht.
Fitoren e fundit në Superligë e shënoi ndaj Llapit më 30 nëntor.
Pjesa e parë përfundoi me rezultati 1:1. Mërgim Pefqeli në minutën e 30-të shënoi për Dukagjinin nga penalltia, ndërsa Kreshnik Uka i barazoi shifrat pas shtatë minutash për 1:1.
Dukagjini kaloi sërish në epërsi me golin e Hekuran Berishës, në minutën e 52-të. Genc Hamiti më pas nga korneri i barazoi shifrat për 2:2.
Dukagjini është i pesti me 33 pikë, por me një ndeshje më shumë të luajtur se Gjilani që i ka 33 pikë po ashtu.
Drenica e fundit mbetet me 22 pikë, sa i ka edhe Prishtina e Re.
Të hënën në program për t’u luajtur janë ndeshjet Malisheva – Prishtina, Ferizaj – Gjilani dhe Llapi – Ballkani.
Mbyllet baras pjesa e parë e ndeshjes Drenica - Dukagjini
Mërgim Pefqeli në minutën e 30-të shënoi golin e epërsisë së Dukagjinit. Ai realizoi nga penalltia, kurse pas shtatë minutash lojë, Drenica e barazoi rezultatin. Golin për 1:1 e shënoi Kreshnik Uka.
Është ndeshje e javës së 23-të.