Jose Mourinho është në negociatat finale për t’u bërë trajner i ardhshëm i Real Madridit, 13 vjet pas largimit nga “Santiago Bernabeu”.
63-vjeçari është favorit i qartë i klubit dhe aktualisht i vetmi kandidat me të cilin Real Madridi po negocion, shkruan të martën BBC.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi pritet ta zëvendësojë trajnerin e përkohshëm, Alvaro Arbeloa, që e mori drejtimin e skuadrës në janar, pas shkarkimit të Xabi Alonsos.
Presidenti i Real Madridit, Florentino Perez së pari e shqyrtoi mundësinë e kthimit të Mourinhos dy ditë pas largimit të Alonsos. Ai kishte një bisedë me përfaqësuesit e trajnerit portugez.
Mourinho është trajner i Benficas në Portugali. Firmosi për dy vjet në shtator të vitit të kaluar, ndërsa të hënën deklaroi se nuk dëshiron të flasë për të ardhmen.
“Është edhe ndeshja ndaj Estorilit dhe prej të hënës e tutje do të jem në gjendje t’u përgjigjem pyetjeve për të ardhmen time si trajner dhe të ardhmen e Benficas”, ka thënë njëri prej trajnerëve më të vlerësuar në botë.
Mourinho e drejtoi Real Madridin nga viti 2010 deri në vitin 2013. E fitoi La Ligan, Kupën e Mbretit dhe Superkupën e Spanjës.