Agim Ademi është rizgjedhur kryetar i Federatës së Futbollit të Kosovës (FFK) për të tretin mandat radhazi.
Në Kuvendin Zgjedhor të mbajtur të enjten, Ademi mori besimin e shumicës e delegatëve edhe për një mandat katërvjeçar. Nuk kishte kundërkandidat.
Prej 52 delegatëve, të gjithë votuan pro.
Pas rizgjedhjes, Ademi ka thënë se do të vazhdojë të jetë në shërbim të futbollit.
Ademi u vendos në krye të FFK-së që pas vdekjes së Fadil Vokrrit në vitin 2018.
Gjithashtu, në këtë Kuvend u miratua edhe buxheti i FFK-së për vitin 2026, i cili është rreth 25 milionë euro.