Sulmuesi Albion Ademi e shënoi golin e parë në edicionin 2026 të Superligës së Kinës në futboll.
Të premten, 27-vjeçari realizoi për Shenzhenin që pësoi 5:1 nga Chengdu.
Ademi shënoi që në minutën e pestë të takimit, kurse skuadra e tij mbeti me një lojtar më pak në fushë në minutën e tetë. Dhe më pas i pranoi pesë gola.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor, ky edicion i Superligës së Kinës është i veçantë.
Më shumë se gjysma e 16 skuadrave elitare kineze e kanë nisur kampionatin me minus të pikëve. Edhe pas xhiros së parë nëntë skuadra kanë minus pikë. Tianjin Jinmen i ka minus nëntë pikë, ndonëse barazoi në xhiron e parë.
Dy skuadra janë me minus prej shtatë pikëve, dy të tjera me minus prej pesë pikëve, dy me -3 pikë dhe dy me -2 pikë.
Të gjitha këto skuadra janë dënuar me marrje të pikëve për shkak të kurdisjes së rezultateve dhe korrupsionit.
Dy prej skuadrave janë dënuar me marrjen e dhjetë pikëve. Katër prej klubeve madje u larguan për në kategorinë e dytë.