Diant Ramaj nuk do të paraqitet për Borussia Dortmundin, por megjithatë do të jetë pjesë e Bundesligës gjermane.
Portieri kosovar të hënën është huazuar nga Dortmundi te Heidenheimi. Huazimi është i vlefshëm për një vit, ndërsa është realizuar pas lëndimit të portierit të kësaj skuadre, Frank Feller.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo23-vjeçari edhe më herët ishte pjesë e Heidenheimit, nga viti 2018 deri në vitin 2021.
“Jemi të lumtur që Diant Ramaj, përkundër ofertave të shumta nga top-klube evropiane, ka vendosur të kthehet te ne. Diantin e njohim që nga mosha e re. Ai ka ushtruar me ekipin tonë të parë në moshën 17-vjeçare. Ka bërë zhvillim fantastik me ne, të cilin më pas e vazhdoi në futbollin ndërkombëtar”, ka thënë Holger Sanëald, udhëheqës i Bordit të Heidenheimit.
Ai ka treguar se Ramaj do të jetë portieri i parë.
Pas Heidenheimit, Ramaj ishte tek Eintracht Frankfurti e Ajaxi, ndërsa në fillim të vitit firmosi me Dortmundin. Me gjigantin gjerman ka kontratë deri në qershor 2029. Por menjëherë u huazua te Copenhageni në Danimarkë, ku fitoi titullin e kampionit dhe kupën.
Ramaj ka ruajtur portën e Gjermanisë U18, U19 dhe U20. Shpreson që të jetë në të ardhmen në portën e Gjermanisë A.
“Jam i lumtur që kthimi në Heidenheim për kampionatin e ardhshëm është realizuar. Kam mësuar shumë këtu dhe jam i lumtur të dëshmojë veten në Bundsligë me klubin ku isha më herët. Do të jap më të mirën që skuadra të mbetet në elitë”, ka thënë Ramaj.