Rekord – 50 mijë shikues në ndeshjen e “Championsit” për të rinj

Alain Taho përjetoi atë që deri më tani nuk e ka përjetuar asnjë lojtar i grupmoshës së tij. Plot 50 mijë shikues ishin të pranishëm në ndeshjen e ekipit U19 të Kolnit ndaj Interit U19 në Ligën e Kampionëve për të rinj. Prania e 50 mijë shikuesve në tribuna për një ndeshje të kësaj grupmoshe është rekord. 

Taho, që luan për Shpresat e Shqipërisë, ishte në portë tek Interit që mposhti Kolnin me rezultat 3:1, në kuadër të Ligës së Kampionëve për të rinj. 

Interi siguroi kalimin në një të tetën e finales të “Championsit” për të rinj.

Taho do ta mbajë mend gjatë këtë fitore dhe atmosferën e krijuar nga shikuesit e Kolnit.