Mohamed Salah i Liverpoolit ka thënë se nuk mund të përqendrohej në fushë për shkak të zhurmës së madhe në stadiumin “Rams Park” të Galatasarayt.
Liverpooli u befasua në Stamboll të martën në mbrëmje, pasi u mposht 1:0 nga Galata, ndeshje e vlefshme për xhiron e dytë të fazës së ligës të Ligës së Kampionëve. Vendosi goli i Victor Osimhenit nga penalltia.
Pas ndeshjes, Salah u shpreh se nuk kishte përjetuar asnjëherë një atmosferë të tillë.
“Nuk kisha luajtur kurrë në një atmosferë të tillë në jetën time. Ishte shumë e vështirë të qëndroja i përqendruar. Zhurma ishte shurdhuese dhe nuk mund ta përballonim. Urime Galatasarayt”, u shpreh egjiptiani.
Salah u inkuadrua në fushë në minutën e 62-të, por nuk mundi të bënte ndonjë ndryshim.
Si Liverpooli, ashtu edhe Galatasaray, kanë një fitore dhe një humbje në Champions.
VIDEO:
Galatasaray taraftarı kim derlerse; Galatasaray Liverpool maçında Salah'a kulaklarının kapanmasına sebep olan taraftarlar dersiniz. pic.twitter.com/tKYKt3E5u8