Një gol i shënuar në përputhje me rregullin eksperimental të pozicionit jashtë loje, është pranuar për herë të parë në një ndeshje profesionale në Kanada. Sulmuesi i Pacific FC, Alejandro Diaz, shënoi gol në barazimin 2:2 me Halifax, në Premier Leaguen e Kanadasë.
Goli nuk do të pranohej sipas rregullave aktuale të lojës, por u pranua sipas rregullit që liga kanadeze po e teston në bashkëpunim me FIFA-n.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë Kanada po testohet rregulli i ri, në përpjekje për të zvogëluar vendimet diskutabile për ofsajd dhe për të inkurajuar lojën sulmuese.
Sipas sistemit që po testohet, sulmuesi konsiderohet në pozitë jashtë loje vetëm nëse ka hapësirë të qartë në mes tij dhe mbrojtësit të parafundit, në vend se ai të penalizohet me ofsajd për avantazh të ngushtë.
Koncepti, i mbështetur prej kohës nga legjenda Arsene Wenger, që është udhëheqës i zhvillimit global në FIFA, vlerësohet si ndryshim i mundshëm në rregullin për pozitën jashtë loje.
Pas periudhës së testimit, FIFA do të vendosë nëse do të bëjë ndryshim lidhur me pozitën jashtë loje.
Alejandro Dìaz takes advantage of the daylight offside law!
— OneSoccer (@onesoccer) April 18, 2026
For the first time in #CPLSoccer, Arsène Wenger's law comes into effect, as the Pacific FC striker stays *just* onside to convert home a goal against the Halifax Wanderers pic.twitter.com/2JDlF9A9KK