Milot Avdyli është lojtar i ri i klubit slloven të futbollit, Celje.
Avdyli është transferuar nga skuadra ukrainase Vorskla Poltava, ku kishte pak hapësirë. Me Celjen, 22-vjeçari firmosi kontratë të vlefshme për tri vjet. Është përforcimi i katërt i kësaj skuadre.
Avdyli luan në pozita të ndryshme në mesfushë dhe sulm, ndërsa është zhvilluar te Kurda e më pas te Trepça ’89. Luajti për shumë vjet tek Aarau në kategorinë e dytë të Zvicrës, ndërsa në janar iu bashkua Vorsklas në Ukrainë. Vorskla pati kampanjë për t’u harruar, ndërsa Avdyli nuk e fitoi asnjëherë rastin në të vërtetë.
Avdyli ishte pjesë e rëndësishme e Kosovës U21.
Celje në kampionatin e kaluar përfundoi në vendin e katërt në Slloveni.
Vjet ishte kampione.
