Supergoli i Patrick Dorgut në minutën e 24-t ia ka siguruar Manchester Unitedit pikët e plota të premten mbrëma.
Me golin e parë të Dorgut me fanellën e “djajve të kuq”, Manchester Unitedi e siguroi fitoren 1:0 ndaj Newcastlet në “Old Trafford”.
Ndeshja i takoi xhiros së 18-të të Premier Leagues.
Unitedi që në këtë ndeshje luajti pa kapitenin e lënduar, Bruno Fernandes, tani i ka 29 pikë dhe zë vendin e pestë. 29 pikë por me një ndeshje më pak të luajtur i kanë edhe Chelsea në vendin e katërt dhe Liverpooli në vendin e gjashtë.
Newcastle mbetet me 23 pikë në pozitën e 11-të.