Davud Sylaj u largua nga Grasshopperi para një viti, ndërsa 20-vjeçari tani ka marrë vëmendjen e një klubi tjetër të elitës së futbollit zviceran.
Sylaj luan si qendërmbrojtës, ndërsa është zhvilluar si futbollist te Grasshopperi. Ai në dimrin e kaluar i ishte bashkuar FC Paradisos, në kategorinë e tretë të futbollit të Zvicrës.
Por, paraqitjet e tij kanë marrë vëmendjen e Luganos, që e konsideron transferimin e tij, ka shkruar “Sport.ch” të enjten.
Po ashtu, mediumi zviceran ka theksuar se për Sylajn është interesuar edhe një klub i Superligës së Kosovës, por nuk e ka bërë të ditur emrin e ekipit.