Vinicius Junior ishte sërish protagonist te Real Madridi në ndeshje ndaj Benficas.
Pasi e shënoi golin e fitores në Lisbonë, ylli brazilian shënoi edhe të mërkurën në “Santiago Bernabeu” për fitoren 2:1 të Real Madridit.
Dhe me rezultatin e përgjithshëm 3:1, Real Madridi ka avancuar nga plejofi në një të tetën e finales së Championsit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAshtu si pritej, ndeshja ishte e zjarrtë dhe e tensionuar.
Rafa Silva shënoi për Benfican në minutën e 14-të për epërsinë 1:0.
Në minutën e 16-të madrilenët e barazuan rezultatin në 1:1. Aurelien Tchouameni ishte realizator. Ndeshja më pas ishte shumë interesante. Kishte raste të mira në të dy anët, por goli i radhës u shënua në minutën e 80-të.
Vinicius Junior shënoi gol të bukur me goditje të saktë nga zona për 2:1. Ai shkoi te flamuri i këndit dhe bëri festën e veçantë që i parapriu tensioneve të shumta në Lisbonë. Kishte akuza për fyerje në baza racore ndaj Vini Jr.
Ai të mërkurën e ndjeu përkrahjen e madhe të tifozëve madrilenë dhe e udhëhoqi skuadrën drejt raundit tjetër të Championsit.
Vini Jr sërish me festë të veçantë, kalon Madridin në epërsi
Vinicius Junior bëri sërish festën që i parapriu rrrëmujës në ndeshjen e parë ndaj Benficas.
Braziliani në Bernabeu shënoi për 2:1 në të mirë të Real Madridit ndaj Benficas. Ai realizoi në minutën e 80-të me gjuajtje të saktë, ndërsa shkoi te flamuri i kornerit për festën e veçantë.
Mbyllet baras pjesa e parë e ndeshjes së zjarrtë
Pjesa e parë e ndeshjes së zjarrtë mes Real Madridit dhe Benficas në “Bernabeu” është mbyllur 1:1.
Rafa Silva shënoi për portugezët në minutën e 14-të, kurse Aurelien Tchouameni i barazoi shifrat dy minuta më vonë.
Realit për pozitë jashtë loje, nga VAR-i iu anulua goli i Arda Gulerit në minutën e 32-të.
Reali barazon shpejt rezultatin
Real Madridi e ka barazuar shpejtë rezultatin me golin e bukur të shënuar nga Aurelien Tchouameni.
Ai shënoi me plasim të bukur të topit në minutën e 16-të. Rezultati në “Bernabeu” është 1:1.
Skuadrës madrilene iu anulua një gol. Goli i Arda Gulerit në minutën e 32-të, është anuluar për pozitë jashtë loje pas rishikimit të situatës në VAR.
Goli
Benfica shënon gol në ndeshjen e tensionuar
Benfica e ka hapur sfidën e tensionuar në “Bernabeu” me gol.
Në minutën e 14-të, Rafa Silva shënoi nga afërsia në portën e portierit Thibaut Courtois.
Goli:
Tensione para ndeshjes në "Bernabeu"
Real Madridi dhe Benfica do të luajnë në ndeshjen kthyese të plejofit të fazës nokaut të Ligës së Kampionëve.
Ndeshjen e parë e fitoi Real Madridi 1:0, me gol të Vinicius Juniorit në minutën e 50-të.
Por, i gjithë ballafaqimi u karakterizua me incidente. Vinicius Juniori pretendoi se u fye në baza racore nga Gianluca Prestianni.
Ka pasur shumë reagime në lidhje me këtë çështje. Prestianni mohoi se e ka fyer në baza racore, ndërsa UEFA ka hapur hetime. Prestianni është i suspenduar për këtë ndeshje.
Real Madrid – Benfica nis në orën 21:00.
Por, ende pa nisur ndeshja, ka pasur tensione të shumta.
La policía española ataca a hinchas del Benfica!
La mafia de la @UEFA y el real madrid! https://t.co/AX7brIHKgS— Oscar GT (@OscarGT89) February 25, 2026
#Spain - Following racism-related controversies between Real Madrid and Benfica, Spanish police are using disproportionate force against Benfica supporters. Many Benfica fans have been injured. https://t.co/xkom0Z8Uoz
— Antifa_Ultras (@ultras_antifaa) February 25, 2026