Leonard Pllana e ka realizuar golin e katërt, ndërsa ka edhe tri asistime në kategorinë e dytë të futbollit në Korenë e Jugut.
Golin e katërt të sezonit, futbollisti 28-vjeçar që luan në krah, e realizoi të shtunën në barazimin 1:1 të Gimpos në udhëtim te Seoul E-Land.
Pllana për mysafirët shënoi në minutën e 64-t, për 1:0, pesë minuta pasi u inkuadrua në lojë.
Ndeshja i takoi xhiros së 26-të.
Gimpo, që nuk di për humbje në tetë ndeshjet e fundit, pas 26 ndeshjeve të luajtura ka 37 pikë.