City “shkatërron” Liverpoolin

Manchester City e ka shkatërruar Liverpoolin në derbin e zjarrtë dhe ka bërë vend në gjysmëfinale të Kupës FA.

Ndeshjen çerekfinale të garës prestigjioze, City i udhëhequr nga Pep Guardiola e fitoi 4:0.

Erling Haaland ishte në formë të lartë dhe i realizoi tri gola, ndërsa Antoine Semenyo e shënoi një tjetër.

Haaland shënoi në minutën e 39-të nga penalltia fillimisht, e më pas edhe në minutën e dytë shtesë të pjesës së parë.

Semenyo pesë minuta pas pushimit realizoi për 3:0, kurse sulmuesi norvegjez, Haaland, e kompletoi “hat-trickun” në minutën e 57-të.

Mohamed Salah kishte mundësi të shënonte për Liverpoolin, por penalltinë e gjuajtur nga ai e priti portieri James Trafford.

City para pushimit të ndeshjeve të përfaqësueseve fitoi ndaj Arsenalit në finale të Kupës së Ligës. Tani është në garë për “tripletën” e kupave vendore.

City është në garë ende për të triumfuar edhe në Premier League.

Për Cityn është gjysmëfinalja e tetë rresht e arritur në Kupën FA, ndërsa Liverpooli në këtë fazë të garës nuk ka arritur prej vitit 2022.

Kundërshtarin e gjysmëfinales, City do ta mësojë të dielën.

Zhbllokohet Haaland, shënon “hat-trick” ndaj Liverpoolit

Sulmuesi Erling Haaland e ka gjetur formën që i ka munguar prej kohësh.

Ai të shtunën shënoi “hat-trick” për Manchester Cityn në duelin çerekfinal të Kupës FA ndaj Liverpoolit.

City është duke fituar 4:0.

Haalandi shënoi nga penalltia në minutën e 39-të, më pas shënoi për 2:0 në minutën e dytë shtesë të pjesës së parë.

Antoine Semenyo realizoi në minutën e 50-të për 3:0, kurse Haalandi shtatë minuta më vonë, shënoi për 4:0 dhe e kompletoi tregolëshin.

Mohamed Salah në minutën e 64-t e humbi penalltinë për Liverpoolin.

Shorti për gjysmëfinale tërhiqet të dielën.

Haalandi kishte shënuar edhe ndaj Real Madridit në humbjen 2:1 më 17 mars.

Para asaj ndeshjeje i kishte katër ballafaqime rresht pa shënuar, në ndeshjet në të cilat kishte luajtur.