Sulmuesi i Dukagjinit, Iljasa Zulfiji, është shpallur futbollisti më i mirë i xhiros së gjashtë të Superligës së Kosovës.
Zulfiji shkëlqeu në fitoren 3:1 të Dukagjinit ndaj Llapit, të enjten.
"Ai hyri në ndeshje si zëvendësues dhe shënoi golin e epërsisë për skuadrën e Dukagjinit, duke ndikuar shumë në ngritjen dhe organizimin e lojës", ka shkruar FFK-ja që edhe shpall më të mirin e xhiros.