Një burrë në Pejë ka raportuar në Polici se bashkëshortja po ushtron dhunë të vazhdueshme fizike ndaj fëmijës së tyre.
Si dëshmi, siç thotë Policia në raportin 24-orësh, ankuesi ka paraqitur incizime dhe mesazhe.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“E dyshuara është intervistuar, pas intervistimit me urdhër të prokurorit është liruar në procedurë të rregullt”, thuhet në njoftim.
Rasti në Pejë: Bashkëshortja i dërgoi video burrit duke e kërcënuar se do ta vrasë fëmijën e tyre
Foto: Ilustrim / Policia e Kosovës
Photo: Driton Paçarada
Detaje të reja janë mësuar mbi rastin e dhunës në familje në Pejë që u raportua në raportin 24-orësh të Policisë të mërkurën, ku u tha se burri e ka denoncuar bashkëshorten për shkak të kërcënimit që i ka bërë fëmijës së tyre, madje duke paraqitur si prova edhe video-inicizime.
KOHA ka mësuar se bashkëshortja i ka dërguar video-incizimet burrit duke e kërcënuar se do ta vrasë fëmijën e tyre. Më pas burri e ka njoftuar Policinë për rastin, duke i dorëzuar incizimet.
Policia e ka marrë për intervistim të dyshuarën, por e ka liruar në procedurë të rregullt.
Zëdhënësi i Prokurorisë Themelore në Pejë, Shkodran Nikçi, ka bërë të ditur për KOHËN se për të dy prindërit është iniciuar rast penal veç e veç për veprën penale “dhunë në familje”.
Sipas tij, prokurori i shtetit, në bashkëpunim me Policinë e Kosovës, janë në koordinim të vazhdueshëm dhe janë duke ndërmarrë të gjitha veprimet e nevojshme hetimore për zbardhjen e plotë të rastit.
Një ditë më parë, një tjetër rast i rëndë i dhunës në familje u raportua në Lipjan, ku prindërit dyshohen se kanë ushtruar dhunë ndaj fëmijës së tyre pesëvjeçar, i cili u pranua në QKUK në gjendje të rëndë. Prindërit u arrestuan dhe u ndaluan për 48 orë.