Me katër vjet burgim është dënuar shoferi A.K. i cili më 1 prill pati goditur me veturë për vdekje këmbësoren Z.Gj në Qyshk të Pejës.
Gjykata Themelore në Pejë e dënoi shoferin për veprën penale “rrezikim i trafikut publik”.
Sipas aktakuzës, i dyshuari kishte qenë duke vozitur me Golf në shpejtësi prej 89.31 kilometrash për orë në një zonë ku kufizimi i shpejtësisë është 60 kilometra për orë kur e ka goditur viktimën në vendkalim për këmbësorë. Ajo ishte dërguar në Qendrën Klinike Universitare të Kosovës ku humbi jetën tre ditë më pas.
Pos dënimit me burgim, A.K. i është marrë edhe patentëshoferi dhe i është ndaluar vozitja për katër vjet.
