Një 50-vjeçar është gjetur pa shenja jete në fshatin Bilinicë të Gjilanit, ka konfirmuar Policia e Kosovës të shtunën.
Sipas Policisë, rasti u njoftua nga familjarët e viktimës.
“Njësitet relevante policore dhe ekipi emergjent mjekësor kanë dalë në vendin e ngjarjes, ku nga mjeku kujdestar është konstatuar se personi është pa shenja jete”, thuhet në njoftim.
Me urdhër të prokurorit trupi i pajetë i viktimës është dërguar në Institutin e Mjekësisë Ligjore për obduksion.