Është nxjerrë trupi i pajetë i personit që ka rënë të dielën në një bunar në fshatin Lypeniq të Pejës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZëdhënësi i Policisë për këtë rajon, Fadil Gashi, ka thënë për KOHËN se viktima është e moshës rreth 37-vjeçare.
“Ju njoftojmë se është nxjerrë trupi i viktimës nga bunari. Vdekjen e ka konstatuar ekipi mjekësor”, ka thënë ai.
Për nxjerrjen e personit që ra në bunar gjatë ditës janë angazhuar policia, Forca e Sigurisë së Kosovës dhe zjarrfikësit.
FSK-ja ndihmon në përpjekjet për nxjerrjen e personit që ra në bunar në Pejë
Njësi të Forcës së Sigurisë së Kosovës po ndihmojnë në përpjekjet për ta nxjerrë personin që ka rënë në bunar në Lybeniq të Pejës.
Zëdhënësi i Policisë për rajonin e Pejës, Fadil Gashi, ka thënë se në operacionin për shpëtim të personit është përfshirë edhe FSK-ja, por ende nuk ka rezultate.
Në vendngjarje janë edhe policia dhe zjarrfikësit që nga pasditja kur është raportuar rasti pas orës 14:00.
Gashi ka njoftuar se personi ka rënë derisa kanë qenë duke u zhvilluar punimet për hapjen e bunarit, në afërsi të varrezave të fshatit.
Një burrë bie në gropën ku po hapej bunari në Pejë, ende s’dihet për gjendjen e tij
Një person ka rënë në një gropë ku po hapej një bunar në Lypeniq të Pejës.
Zëdhënësi i Policisë për rajonin e Pejës, Fadil Gashi, ka thënë për KOHËN se thellësia ka qenë e madhe.
Ngjarja ka ndodhur në afërsi të varrezave të fshatit rreth orës 14:00.
“Rreth orës 14:30 minuta, Policia është njoftuar nga një qytetar se në fshatin Lybeniq, gjersa kanë qenë duke u zhvilluar punimet për hapjen e një bunari, në afërsi të varrezave të fshatit, ka rënë një person”, ka thënë Gashi.
Ai ka shtuar se për gjendjen e viktimës nuk dihet asgjë pasi që ende nuk është nxjerrë nga gropa.