Një person ka humbur jetën pasi ka rënë nga një objekt në rrugën Ferizaj-Prishtinë, teksa po punonte.
Siç është bërë e ditur nga Policia e Kosovës, rasti ka ndodhur rreth orës 15:00 të shtunën (7 shkurt).
Punëtori 43-vjeçar nuk ka arritur t’i përballojë plagët. Vdekjen e tij e ka konstatuar në vendin e ngjarjes ekipi mjekësor.
Flora Ahmeti nga Policia në rajonin e Prishtinës ka thënë se Policia i ka nisur hetimet në koordinim me Prokurorinë dhe Inspektoratin e Punës.