Këngëtarja veterane indiane, Asha Bhosle, vdiq në Mumbai të dielën, një ditë pasi ishte shtruar në spital për një infeksion në gjoks. Ajo ishte 92 vjeç.
Mbesa e saj, Zanai Bhosle, përdori rrjetet sociale të shtunën për t’i njoftuar fansat për gjendjen e gjyshes së saj, mes zërave për një arrest kardiak.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Gjyshja ime, Asha Bhosle, për shkak të lodhjes së skajshme dhe një infeksioni në gjoks, është shtruar në spital dhe ju kërkojmë të respektoni privatësinë tonë. Trajtimi është në vazhdim dhe shpresojmë që gjithçka të shkojë mirë; do t’ju përditësojmë me lajme pozitive,” kishte thënë ajo në platformën “X”.
Ndërkohë që Zanai ende nuk ka dhënë një deklaratë zyrtare, mjeku i Bhosle konfirmoi vdekjen e saj.
“Ajo ndërroi jetë pak minuta më parë për shkak të dështimit të shumë organeve,” i tha Dr. Pratit Samdani agjencisë indiane të lajmeve PTI.
Ndërkohë, djali i saj, Anand Bhosle, informoi gazetarët për organizimet e ceremonisë mortore të këngëtares.
“Nëna ime ndërroi jetë sot. Njerëzit mund të bëjnë homazhe për të në orën 11 të mëngjesit nesër në Casa Grande, Lower Parel, ku ajo jetonte. Ceremonia e fundit do të zhvillohet në orën 16:00 nesër në ‘Shivaji Park’”, tregoi ai.
E lindur në një fshat të quajtur Sangli në shtetin perëndimor të Maharashtra, Bhosle ishte një nga zërat më të njohur të playback-ut në kinemanë indiane. Ajo filloi karrierën muzikore në fund të viteve ’50 dhe këndoi gjatë viteve ‘80.
Në vitin 2011, këngëtarja legjendare u njoh zyrtarisht nga Libri i Rekordeve “Guinness” si artistja me më shumë regjistrime në historinë e muzikës, me mbi 11 mijë këngë.
Përveç shumë çmimeve private, Bhosle u nderua me “Padma Vibhushan” (çmimi i dytë më i lartë civil në Indi), “Dadasaheb Phalke Award” (çmimi më i lartë në fushën e kinemasë) dhe dy “National Film Awards” për Këngëtaren më të Mirë “Playback”.
Disa nga këngët e saj më të njohura përfshijnë “Abhi na jao chod kar”, “Chura liya hai tumne jo dilko”, “Dum maro dum”, “Jawan jaaneman” dhe “Jhumka gira re”.
Megjithatë, karriera e saj e gjerë në muzikën playback indiane e bën pothuajse të pamundur përpilimin e një liste të plotë të hiteve. Shumica e indianëve nga breza të ndryshëm kanë grupin e tyre të këngëve të preferuara të regjistruara nga këngëtarja, e njohur me përkëdheli si “Asha Tai”, një nofkë që do të thotë “motër e madhe”.
Ajo njihej gjerësisht si zëri pas këngëve kabare indiane më “pikante” në Bollywood, duke dalë jashtë modelit tradicional të këngëve të buta dhe romantike që zakonisht këndoheshin nga gratë.
Bhosle ishte motra më e vogël e Lata Mangeshkar, një tjetër këngëtare legjendare e playback-ut indian, e quajtur ndonjëherë “Bilbili i Indisë”. Rastësisht, edhe Mangeshkar ndërroi jetë në moshën 92-vjeçare.
Pavarësisht popullaritetit dominues të motrës së madhe, Bhosle krijoi hapësirën e saj në industrinë muzikore indiane dhe vlerësohet si një nga këngëtaret më të gjithanshme në historinë e Indisë.
Me përhapjen e lajmit për ndarjen nga jeta të Bhosle, homazhe nga industri të ndryshme vërshuan. Të famshëm përdorën rrjetet sociale për të kujtuar momentet e tyre të çmuara me të, ndërsa të tjerë përmendën këngët e tyre të preferuara të ikonës së “playbackut”.
Kryeministri Narendra Modi tha se ajo ishte “një nga zërat më ikonikë dhe më të gjithanshëm” të Indisë. “Do t’i kujtoj gjithmonë me kënaqësi takimet që kam pasur me të”, deklaroi ai, duke ndarë fotografi nga takimet e tyre në një postim në “X”.
Kryeministri i shtetit të saj të lindjes, Maharashtra, kujtoi me përzemërsi momentin kur ajo e bëri të këndonte. “Ishim bashkë në një program për Ditën Botërore të Radios, ku ajo insistoi që unë të këndoja ‘Abhi Na Jao Chhodkar’ dhe me një buzëqeshje tha: ‘Ja, e bëra kryeministrin të këndojë.’ Është e vështirë të besohet se nuk do ta kemi më praninë e saj mes nesh”, shkroi ai.