Nuk ndalet debati në Serbi pas shkrimit në Shtojcën për kulturë të KOHËS

Monumentet kryesore të kultit të krishterë në Kosovë janë të moçme si për arbrit autoktonë ashtu edhe për serbët pushtues në Kosovë. Ndonëse i është mbivënë cilësimi si manastire ortodokse serbe – të tilla si Manastiri i Deçanit, ai i Graçanicës, Kisha e Shenjtëroëve Mihal e Gabriel, Kizha e Zojës Prendë në Prizren, Patriarkanë e Pejës – ato ishin ndërtuar, rindërtuar apo meremetuar mbi themelet e monumenteve të moçme të periudhës romake e bizantine. Me ekspoze të historisë së këtyre monumenteve, shkrimi “Përvetësimi nga serbët i monumenteve mesjetare arbërore në Kosovë” me autor Bedri Muhadrin, bashkëpunëtor shkencor në Institutin e Historisë “Ali Hadri” në Prishtinë, është bërë sebep për një fushatë mediatike në shtetin fqinj.

Për dy ditë rresht, mediat në Beograd kanë zhgrehur kritika e sulme ndaj shkrimit të botuar në Shtojcën për kulturë të “Kohës Ditore”. Siparin e reagimeve e ka ngritur Dioqeza Rashkë-Prizren e cila e ka cilësuar tekstin e historianit Muhadri si “shpërndarje e urrejtjes etnike dhe fetare” kundrejt serbëve në Kosovë dhe trashëgimisë së tyre. Në reagimin e lëshuar paraditen e së dielës në faqen “Eparhija-prizren”, kësaj Dioqeze nuk i kanë pëlqyer ato që i kanë quajtur si pretendime mbi manastiret ortodokse. “Mesazhi është i qartë. SOC (Kisha Ortodokse Serbe – v.j) duhet të largohet nga Kosova e Metohija bashkë me murgjërit e besimtarët, për të ‘çliruar’ vendet e shenjta shekullore, që do të bëhen monumente shqiptare”, thuhet në reagimin e kësaj dioqeze.

Në reagimin ku togfjalëshi provokativ “Kosova dhe Metohija” përmendet pesë herë, Kosova është akuzuar për shkelje të ligjeve dhe vendimeve të gjykatave.

Artikullin e plotë mund ta lexoni nesër në “Koha Ditore”