-
Nga:
Donisa Fazliu
- 11 maj 2026 19:20
- Shpërndaje në:
Edhe një person është arrestuar si i dyshuar për falsifikim dokumentesh lidhur me një pronë në Prishtinë. Sipas Policisë, përmes dokumenteve të falsifikuara, pronësia është tjetërsuar dhe është mashtruar blerësi, i cili ka paguar mbi 1.5 milion euro.
Një person është arrestuar të dielën, si i dyshuar për mashtrim e falsifikim dokumentesh, lidhur me një pronë në Prishtinë.
I dyshuari, shtetas i Serbisë, u ndalua në Vërmicë, ka njoftuar policia.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Është arrestuar i dyshuari mashkull shtetas i Republikës se Serbisë, i cili dyshohet se në bashkëpunim me persona të tjerë të dyshuar të arrestuar më datë 19.02.2026, kanë kryer veprime të kundërligjshme (falsifikim të dokumenteve/pasaportës dhe dokumenteve të tjera). Përmes këtyre dokumentet të falsifikuara kanë arritur që të tjetërsojnë /shesin sipërfaqe toke duke e mashtruar blerësin dhe duke marrë në këmbim 1,578,180.00 euro”, thuhet në raportin policor.
I dyshuari pas intervistimit, me urdhër të prokurorit, është dërguar në qendrën e mbajtjes.
Për këtë rast, në shkurt të këtij viti ishin arrestuar edhe katër persona të tjerë.
Përmes falsifikimit të dokumenteve, të dyshuarit e kanë paraqitur një person të rrejshëm si pronar të ligjshëm të një prone.
Përmes noterit e kanë tjetërsuar një parcelë në pronësi të ankuesit M.T., me sipërfaqe 36.28 ar, ndërsa njëkohësisht e kanë mashtruar blerësin H.M., duke i prezantuar dokumentacion si të rregullt.