Mijëra gjurmë këmbësh dinozaurësh që datojnë 210 milionë vjet më parë janë gjetur në një park kombëtar në veri të Italisë.
Gjurmët – disa prej të cilave janë deri në 40 centimetër – janë të rreshtuara paralelisht dhe shumë prej tyre tregojnë gjurmë të qarta të gishtërinjve të këmbëve.
Mendohet se këto gjurmë i përkisnin dinozaurëve të quajtur prosauropods – specie me qafë të gjatë, kokë të vogël dhe kthetra të mprehta, raportoi BBC.
“Asnjëherë nuk e kam imagjinuar se do të shihja një zbulim kaq spektakolar në rajonin ku jetoj”, ka thënë paleontologu Cristiano Dal Sasso.
Në shtatorin e vitit të kaluar një fotograf kishte hasur në gjurmët në parkun Stelvio, Milano.
Sipas Sassos, kjo zonë ka qenë e mbushur me dinozaurë në periudhën mes 250-201 milionë vjet më parë.