-
Përktheu:
Vita Abrashi-Kajtazi
- 25 qershor 2026 14:43
- Shpërndaje në:
Këngëtarja dhe kantautorja Alicia Keys ka treguar se në moshën 13-vjeçare i ka ndërprerë kontaktet me babanë e saj, Craig Cook, pas viteve të tëra mungese dhe zhgënjimi.
Sipas rrëfimeve të saj në dokumentarin “Alicia Keys: Girl From Hell’s Kitchen”, ajo i kishte shkruar një letër të ashpër, ku shprehte zemërimin për mungesën e tij në jetën e saj, ka shkruar FemaleFirst.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nuk dua asgjë. E vetmja gjë që dua është të mos përzihesh në punët e mia. Nuk dua telefonata, nuk dua letra, nuk dua sjellje të rreme që përpiqen të më bëjnë të mendoj se të intereson. Nuk dua asgjë. Vetëm kështu mund të jem e lumtur”, ka treguar Keys se ka shkruar në letër.
Keys ka treguar se babai i saj nuk ishte i pranishëm as kur ajo lindi dhe shpesh largohej e kthehej sërish në jetën e saj, gjë që i shkaktoi dhimbje të madhe gjatë fëmijërisë.
Craig Cook ka pranuar më vonë se nuk ishte gati për përgjegjësinë e të qenit baba në atë kohë dhe se ishte i papjekur.
“Kur ajo më tha se ishte shtatzënë, unë nuk isha gati. Nuk isha aty emocionalisht”, ka thënë ai.
Nëna e këngëtares, Terria Joseph, e rriti atë e vetme në lagjen Hell’s Kitchen në New York, duke punuar shumë për t’i siguruar edukimin dhe mësimet e pianos.
Keys ka treguar se një nga figurat më të rëndësishme atërore në jetën e saj ishte gjyshi nga ana e babait, ish-polic, i cili e mbështeti gjatë rritjes.
Për vite me radhë, marrëdhënia mes saj dhe babait mbeti e tensionuar, por ajo ka thënë se muzika e ndihmoi të shprehte dhimbjen dhe zemërimin.
Më vonë, në projektin e saj “Hell’s Kitchen”, ajo e përdori historinë e saj personale si një formë shërimi dhe reflektimi.
“Ka pasur shumë premtime dhe takime që nuk ndodhnin kurrë… Unë isha shumë e zemëruar dhe doja që ai ta dinte këtë”, ka thënë ajo.
Sipas saj, me kalimin e viteve ka pasur edhe një proces pajtimi dhe reflektimi, duke theksuar se edhe pse marrëdhënia ka qenë e vështirë, ajo e pranon realitetin e historisë së tyre familjare.