David Beckham me urim për Victorian për Ditën e Nënës

Ish-futbollisti i mirënjohur, David Beckham, i ka bërë një dedikim të bukur bashkëshortes së tij Victoria Beckham me rastin e Ditës së Nënës në SHBA, ndërsa vëmendja publike vazhdon të fokusohet te tensionet brenda familjes Beckham, ka shkruar FemaleFirst.

Ish-kapiteni i Anglisë, 51 vjeç, iu bashkua shumë personazheve të famshëm në Amerikë dhe Australi që publikuan dedikime për nënat dhe gratë e tyre në rrjetet sociale.

David e quajti Victorian “nënën më të mirë” për katër fëmijët e tyre, Brooklyn Beckham, Romeo Beckham, Cruz Beckham dhe Harper Beckham.

Postimi i tij erdhi në një moment kur raportet për përçarje në familjen Beckham vazhdojnë të jenë në qendër të lajmeve të showbizit. Së fundmi, Brooklyn Beckham është përfolur për përpjekjet e tij për t’u distancuar nga “Beckhamët”.

Debati familjar mori më shumë vëmendje pasi Brooklyn ka kritikuar publikisht prindërit e tij në rrjetet sociale, duke i quajtur “performues”, ndërsa shprehu pakënaqësi edhe për sjelljen e Victorias në dasmën e tij me aktoren Nicola Peltz.

Në të njëjtën kohë, Brooklyn ka publikuar shpesh fotografi që tregojnë afrimitetin e tij me prindërit miliarderë të Nicolas, Nelson Peltz dhe Claudia Peltz.

David u bë një nga futbollistët më të famshëm në botë gjatë karrierës së tij me Manchester United, ndërsa Victoria arriti famë globale si pjesë e grupit muzikor “Spice Girls”. Çifti konsiderohet prej vitesh një nga çiftet më ikonike të showbizit britanik.

Në fund, Nicola Peltz ka shtuar edhe më shumë spekulimet për tensionet me familjen Beckham pasi publikoi një fotografi me bashkëshortin Brooklyn dhe prindërit e saj.

“A gjithë zemra dhe bota ime në një foto”, ka shkruar Peltz në postim.