Themeluesi i Amazonit, Jeff Bezos, dhe ish-prezantuesja Lauren Sanchez po festojnë dasmën e tyre në Venecie, ku janë ftuar shumë figura të njohura të botës.
Ndër të ftuarit janë Kim Kardashian, Khloe Kardashian, Bill Gates, Leonardo DiCaprio me të dashurën e tij Vittoria Ceretti, Kris Jenner me partnerin Corey Gamble, mbretëresha e Jordanisë Rania Al Abdullah, Ivanka Trump me bashkëshortin Jared Kushner, Oprah Winfrey, Brooks Nader dhe të tjerë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoÇifti kishte ftuar rreth 200 mysafirë VIP. Ceremonia e martesës u mbajt në amfiteatrin e rinovuar në ishullin San Giorgio Maggiore, ku këndoi Matteo Bocelli, djali i tenorit të famshëm Andrea Bocelli.
Mediat amerikane kanë raportuar se Jeff Bezos dhe Lauren Sanchez janë martuar me letra më parë në SHBA, ndërsa në Itali organizuan festë shumëditore – që ka nisur nga dje. Ata gjithashtu kanë nënshkruar një marrëveshje paramartesore që kap vlerën e disa milionë dollarëve.
Ndërkohë, në Venecie po vazhdojnë protestat e qytetarëve të pakënaqur, të cilët besojnë se këto figura të njohura nuk kanë vend në qytetin e tyre. Sipas burimeve, kryetari i bashkisë Luigi Brugnaro u ka garantuar çiftit sigurinë e plotë gjatë qëndrimit të tyre.
Vlera e dasmës vlerësohet të jetë mes 40 dhe 48 milionë euro.
