-
Përktheu:
Vita Abrashi-Kajtazi
- 9 shkurt 2026 10:44
- Shpërndaje në:
Ylli televiziv, Kim Kardashian, dhe kampioni i F1, Lewis Hamilton, kanë bërë paraqitjen e tyre të parë si çift në publik gjatë “Super Bowl”, që u mbajt të dielën në Levi’s Stadium në San Francisko, ka shkruar Entertainment Tonight.
Yjet u panë të ulur së bashku në një suitë komode gjatë ndeshjes, duke nxitur menjëherë spekulime për lidhje romantike.
“Kim dhe Lewis po kalojnë më shumë kohë së bashku dhe po shohin se ku mund të shkojë kjo gjë. Ata kanë qenë miq dhe njihen prej vitesh, por tani po eksplorojnë një marrëdhënie romantike. Kim ka bërë një pauzë të gjatë nga takimet romantike, pasi ishte përqendruar te familja dhe puna dhe ky ka qenë një ndryshim i këndshëm dhe freskues për të. Ajo është shumë e kujdesshme dhe e vetëdijshme se kë e lejon në jetën e saj”, ka thënë një burim për Entertainment Tonight.
Sipas burimit, për Kimin kjo fazë e re duket më e qetë dhe më e menduar, pas një periudhe ku prioriteti i saj kryesor kanë qenë fëmijët dhe karriera.