Filmi i ardhshëm i zhanrit “road trip”, me protagonistë Ryan Reynolds dhe Jason Momoa – fillimisht ishte planifikuar të dilte më 10 tetor 2025, përpara se të shtyhej për 1 maj 2026 dhe tani është zhvendosur për 22 janar 2027, sipas The Hollywood Reporter.
Reynolds dhe Momoa do të luajnë përkrah Aubrey Plaza, Daniel Levy, Addison Rae, Ellie Bamber dhe Lil Rel Howery në filmin që do të kombinojë skena me aktorë realë ashtu edhe personazhe të animuara.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNgjarja po mbahet sekret, megjithëse burime të brendshme e përshkruajnë filmin si një aventurë “road trip” me vlerësim R (për të rritur) – dhe regjinë do ta bëjë Peter Atencio, bazuar në një skenar nga dyshja e shkrimtarëve Kevin Burrows dhe Matt Mider.
Filmi po prodhohet nga kompania “Legendary”, kompania e “Reynolds Maximum Effort” dhe studioja “Prime Focus Studios” e producentit Namit Malhotra.
“Animal Friends” fillimisht ishte një film i Sony Pictures, por në vitin 2024 kaloi te “Warner Bros”. përmes marrëveshjes së studios me Legendary.
Ndërkohë, më parë u zbulua se Jason Momoa do të luajë në filmin e ardhshëm aksion-aventurë “Helldivers”, një adaptim i videolojës së njohur.
Filmi – nga “Sony Pictures” dhe “PlayStation Productions” – do të dalë më 10 nëntor 2027.
Regjinë e filmit do ta bëjë Justin Lin, i njohur për filmat e sagës “Fast & Furious”.
Videoloja zhvillohet në vitin 2084 dhe paraqet ushtarë elitë që luftojnë për të mbrojtur planetin e tyre, Super Earth, nga specie pushtuese.
Ngjarja e filmit ende nuk është zbuluar, por pritet të ndjekë linjën e videolojës.
Ky është bashkëpunimi më i fundit i madh në ekranin e madh midis “Sony Pictures” dhe “PlayStation Productions”, pas adaptimit të vitit 2022 “Uncharted”.
“Uncharted” kishte në role kryesore Tom Holland dhe Mark Wahlberg dhe arkëtoi 407 milionë dollarë në mbarë botën.
Në ekranin e vogël, Sony dhe PlayStation kanë bashkëpunuar në serialin “Twisted Metal” për Peacock dhe në serialin fitues të çmimit Emmy The Last of Us për HBO.