Drejtori ekzekutiv i Institutit GAP, Blendi Hasaj, ka thënë se tri partitë më të mëdha në Kosovë po kërkojnë votat e mbi 300 mijë të punësuarve në sektorin privat me premtimin se do t’i rrisin pagat në sektorin publik e se do ta thellojnë dallimin mes pagave në dy sektorët.
Në një shkrim në Facebook, Hasaj ka thënë se paga mesatare në sektorin publik është rreth 30 për qind më e lartë se në privat. Sipas tij, në sektorë të caktuar diferenca rritet deri në 80 për qind.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Për ironi, tri partitë më të mëdha në vend janë duke e kërku votën e mbi 300 mijë punonjësve të sektorit privat me një nga premtimet e vetme që kanë zotësi ta realizojnë pa vonesa: një tjetër rritje të pagave në sektorin publik, në një formë apo tjetër, qysh në janar të vitit 2026 - duke e thellu kështu edhe mëtej këtë hëndek në paga. Qysh me e interpretu këtë sinjal një punonjës i sektorit privat i cili mbetet në disavantazh krahasuar me ata të sektorin publik jo vec në pagë, por edhe tek kushtet në vendin e punës, orarin e punës, kohëzgjatjen dhe zbatimin e kontratës së punës? A din kush me e shpjegu se cfarë është qëllimi fundor i një politike të tillë? Në cilën ekonomi normale tentohet që sektori publik me u bë më tërheqës se sektori më produktiv i ekonomisë? Shto këtu që asnjë Qeveri deri më tash nuk e ka pasë guximin të merret me problemin e mos-efikasitetin të administratës publike”, ka shkruar ai në Facebook.
Rritja e pagave në sektorin publik ka qenë një prej premtimeve bosht të partive në fushatën zgjedhore për zgjedhjet e 28 dhjetorit. Përderisa Lëvizja Vetëvendosje ka premtuar pagën e 13-të, Partia Demokratike e Lidhja Demokratike kanë premtuar rritje në nivel 50 për qind ose në koeficient 150 euro nga 110 sa është. E Aleanca për Ardhmërinë e Kosovës ka premtuar dyfishim të pagave.