Presidentja Vjosa Osmani nuk e ka nënshkruar ende dekretin për datën e zgjedhjeve pasi që është duke pritur nëse Gjykata Kushtetuese do të vendos masë të përkohshme ose jo për dekretin e saj për shpërndarje të Kuvendit.
Këshilltari për media i Osmanit, Bekim Kapina, ka thënë se nëse Gjykata Kushtetuese e vlerëson si të nevojshme caktimin e një mase të përkohshme, Presidenca e mirëpret atë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor ka theksuar se kjo nuk paragjykon vendimin përfundimtar të Gjykatës lidhur me kushtetutshmërinë e dekretit për shpërndarje të Kuvendit.
“Presidentja ende nuk e ka nënshkruar dekretin për datën e zgjedhjeve sepse, siç i ka njoftuar edhe partitë në takimin konsultativ, ajo është në pritje të Gjykatës Kushtetuese. Nëse Gjykata Kushtetuese e vlerëson si të nevojshme caktimin e një mase të përkohshme, Presidenca e mirëpret atë, duke ritheksuar se masa në asnjë moment nuk paragjykon vendimin përfundimtar të Gjykatës lidhur me kushtetutshmërinë e dekretit”, është shprehur Kupina.
Kushtetutshmëria e dekretit të Osmanit për t’i dhënë fund legjislaturës së 10-të është kontestuar në Kushtetuese nga Lëvizja Vetëvendosje.
Presidentja e dekretoi shpërndarjen e Kuvendit pas moszgjedhjes së presidentit deri më 5 mars dhe në një takim ku nuk ka marrë Lëvizja Vetëvendosje, ka konsultuar partitë për datën e zgjedhjeve të parakohshme.
Gjithashtu kryeparlamentarja Albulena Haxhiu më 5 mars i është drejtuar Gjykatës Kushtetuese pas dështimit të seancës për zgjedhjen e presidentit. Ajo ka bërë të ditur se ka kërkuar nga Kushtetuesja vlerësimin e kushtetutshmërisë së procedurës për zgjedhjen e presidentit dhe masë pezulluese për afatin kushtetues. Gjithashtu ka kërkuar vlerësimin e kushtetutshmërisë së mosprezencës së deputetëve të opozitës në seancën për zgjedhjen e presidentit.