Prokuroria Speciale e Kosovës ka njoftuar se të hënën ka realizuar të hënën një urdhër kontrolli në objektin e Kompanisë Rajonale të Ujësjellësit “Gjakova” dhe në shtëpinë e të dyshuarit, kryeshefit ekzekutiv të kësaj kompanie H.K..
Gjatë operacionit policor thuhet se janë sekuesturuar prova materiale (dokumente ) të cilat do të shërbejnë si prova relevante për rastin.
“Hetimet po zhvillohen për shkak të dyshimeve për kryerjen e veprave penale: Keqpërdorimi i pozitës apo autoritetit zyrtar; Falsifikimi i dokumentit zyrtar; Shmangie nga pagesa e tarifave të detyrueshme doganore ose tarifave akcizore; Konflikt i interesit dhe Keqpërdorimi dhe Mashtrimi në prokurorim publik”, thuhet në njoftim.
Kontrolli sipas Prokurorisë është zhvilluar në në bashkëpunim me Policinë e Kosovës, bazuar në urdhrin e Gjykatës Themelore në Prishtinë.
Prokuroria Speciale në mars të këtij vitit kishte njoftuar H.K. ishte arrestuar.
Sipas komunikatës të dyshuarit iu pat bastisur objekti ku banonte dhe zyra e tij në KRU, ku u patën sekuestruar një laptop, një telefon, 22.205 euro dhe dy kontrata që lidhen me rastin.