Ish-presidenti Hashim Thaçi në një intervistë për “Frankfurter Allgemeine Zeitung” ka shprehur bindjen që gjyqtarët e kanë parë dhe dëgjuar të vërtetën për çështjen e akuzës ndaj tij nga Gjykata Speciale.
Thaçi dhe tre udhëheqës të tjerë të Ushtrisë Çlirimtare të Kosovës, Jakup Kransiqi, Kadri Veseli e Rexhep Selimi, po presin vendimin pas gjykimit që zgjati rreth 6 vjet.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë intervistën për gazetën prestigjioze gjermane, me pyetjet që ishin dërguar sipas gazetës verën e vitit të shkuar dhe ishin kthyer në fundvit, Thaçi është pyetur nëse gjykimi ndaj tij mund ta ndryshojë perceptimin e historisë për Kosovën.
Ai ka thënë se ky mbetet shqetësim, por ka shtuar se “ngjarjet e të 90-tave janë të dokumentuara mirë” dhe s’bëhet fjalë për “interpretim”.
“‘Provat e fabrikuara gjatë epokës së Millosheviqit nuk duhet të përdoren në gjykatë. Nëse pranohen, nuk do të ishte çudi që pretendime të ngjashme të përdoren edhe në konflikte të tjera. Kosova nuk ka sulmuar kurrë territor serb. Populli i Kosovës luftoi për të drejtën për të ekzistuar. Ky proces nuk duhet të përdoret për të rishkruar historinë”, ka thënë ai.
I pyetur nëse do të mund të shpallej fajtor a do të nënkuptonte kjo se NATO-ja ka bashkëpunuar me kriminel lufte, Thaçi ka përsëritur se “ndërhyrja e NATO-s në vitin 1999 u mbështet në vlerat e lirisë, drejtësisë dhe të drejtave të njeriut”
“NATO erdhi në ndihmën tonë sepse e kuptoi çfarë po kalonim nën Millosheviqin. Në Rambuje, delegacioni ynë pranoi paqen, ndërsa Serbia zgjodhi luftën dhe spastrimin etnik. Serbia sulmoi Kosovën dhe populli i Kosovës bëri rezistencë. Pa këtë rezistencë dhe ndërhyrjen e NATO-s, Kosova nuk do të ekzistonte sot”, ka thënë ai.
Thaçi ka thënë po ashtu se ai ka pritur që gjykimi të jetë mbi bazën e raportit të Dick Martyt për pretendimet për trafikim organesh.
“Shpresa jonë e vetme është që ky proces do të kontribuojë në të vërtetën, drejtësinë dhe dinjitetin. Jam i bindur se gjykata ka dëgjuar dhe parë të vërtetën. E vetmja pyetje është se çka do të bëjnë ata me të”, ka thënë tutje ai.
Thaçi ka thënë se ndihet i përmbushur me karrierën e tij politike dhe se garën politike e ka lënë pas vetes, por jo edhe jetën politike.
A e këshillon Thaçi PDK-në për bashkëpunim me VV-në?
Ish-presidenti Hashim Thaçi është pyetur edhe nëse do ta këshillonte ish-partinë e tij, Partinë Demokratike të Kosovës, për bashkëpunim me Vetëvendosjen.
Pyetja i ishte shtruar gjatë vitit të shkuar nga “Frankfurter Allgemeine Zeitung”, kur Kosova u përball me krizën politike në Kuvend.
“Prioriteti im është procesi ligjor që po kaloj. Megjithatë, ajo që mund të them është se në Kosovë të gjithë duhet t’i vendosin interesat e qytetarëve mbi interesat partiake”, ka thënë Thaçi nga Haga, ku po pret vendimin e Gjykatës Speciale mbi akuzën për krime lufte.
Thaçi pyetet për shkëmbimin e territoreve: Qëllimi ishte paqja e qëndrueshme
Ish-presidenti Hashim Thaçi i pyetur për të shpjeguar propozimin për shkëmbim territoresh me Serbinë si zgjidhje finale, ka thënë se qëllimi i tij ka qenë sigurimi i paqes së qëndrueshme.
Në intervistë për gazetën prestigjioze gjermane “Frankfurter Allgemeine Zeitung” nga Gjykata Speciale, Thaçi është pyetur nëse kjo ide është diskutuar me presidentin e Serbisë, Aleksandar Vuçiq, apo se a ka qenë propozim që Kosova të japë diçka për të marrë Luginën e Preshevës apo edhe për të dhënë territor në këmbim të njohjes.
“Qëllimi im kryesor ishte sigurimi i një paqeje të qëndrueshme mes Kosovës dhe Serbisë, që do t’u mundësonte të dyja vendeve të ecin përpara dhe Kosovës integrim të plotë ndërkombëtar. Do të ishte e pafalshme të lihen probleme të pazgjidhura për brezat e ardhshëm”, ka thënë ai.
Thaçi ka deklaruar se zotimi i tij ka qenë që të ndiqet rrugë diplokmatike për të arritur rezultate brenda kornizës kushtetuese.
Tek ka thënë se Bashkimi Evropian ka luajtur rol të rëndësishëm në dialogun me Serbinë, Thaçi ka shtuar se “përparimi është më i madh kur përfshihen edhe Shtetet e Bashkuara të Amerikës”.
Ai ka thënë se pesë vjetët e fundit kanë qenë të humbura për Kosovën në raport me partnerët ndërkombëtarë. I ka cilësuar shqetësuese sanksionet e BE-së ndaj Kosovës duke shtuar se ruajtja e raporteve me aleatët strategjikë është interes kombëtar.