-
Përktheu:
Flutura Gashi-Mehmeti
- 9 nëntor 2025 10:34
- Shpërndaje në:
Më shumë se 1,400 fluturime, hyrëse ose dalëse nga SHBA-ja, janë anuluar të shtunën si pasojë e reduktimit të trafikut nga linjat ajrore, për shkak të mbylljes së qeverisë federale.
Gati 6,000 fluturime janë vonuar gjithashtu, nga mbi 7,000 vonesa të premten, sipas gjurmuesit të fluturimeve FlightAëare.
Administrata Federale e Aviacionit (FAA) ka njoftuar më parë gjatë javës se do të zvogëlonte kapacitetin e udhëtimit ajror deri në 10% në 40 nga aeroportet më të ngarkuara të vendit, pasi kontrollorët e trafikut ajror, të cilët punojnë pa pagesë gjatë mbylljes, po raportojnë lodhje.
Republikanët dhe Demokratët mbeten të ndarë se si t'i japin fund bllokimit në Kongres ndërsa mbyllja, e cila ka filluar më 1 tetor, vazhdon.
E shtuna ka shënuar ditën e 39-të të mbylljes më të gjatë në histori, pasi Republikanët dhe Demokratët ende nuk kanë rënë dakord për një rezolutë financimi për të rihapur qeverinë.
Në një deklaratë të shtunën, American Airlines u ka bërë thirrje "udhëheqësve në Uashington, D.C., të arrijnë një zgjidhje të menjëhershme për t'i dhënë fund mbylljes".
Aeroportet me më shumë fluturime të anuluara të shtunën, si për në vendngjarje ashtu edhe nga vendi, ishin Charlotte/Douglas International, Neëark Liberty International dhe Chicago O'Hare International, sipas FlightAëare.