Shefja e politikës së jashtme të BE-së, Kaja Kallas, ka dënuar sulmet ruse gjatë natës ndaj Kievit, duke thënë se do të propozojë sanksione të mëtejshme ndaj Rusisë. Ajo theksoi se sot, 2 korrik, do të propozoj të sanksionohen më shumë subjekte të industrisë ushtarake ruse në përgjigje të sulmeve.
Sanksionet e reja kanë cak kompleksin ushtarako-industrial të Rusisë, duke përfshirë firmat që prodhojnë pjesë për dronë, Shahed dhe Geran.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Vetëm fjalët nuk do t'i ndalin sulmet ndaj Kievit. Vetëm mbështetja e vazhdueshme ushtarake për Ukrainën dhe presioni në rritje ndaj Moskës mund ta bëjnë këtë", tha ajo.
Duke iu përgjigjur komenteve të shefes së politikës së jashtme të BE-së se blloku do të rriste presionin ndaj Rusisë për sulmet e saj ndaj objektivave civile në Ukrainë, zëdhënësi i Kremlinit, Dmitry Peskov, tha se Rusia do të vazhdojë të rrisë presionin ndaj regjimit të Kievit në mënyrë që të arrijë qëllimet e vendosura.
Forcat ajrore ukrainase thanë se Rusia lëshoi 74 raketa dhe 496 dronë gjatë sulmit, duke vrarë të paktën 17 persona. Njësitë e mbrojtjes ajrore rrëzuan shumicën e tyre, por 25 raketa balistike dhe 12 dronë goditën 33 vende.
