Presidenti i Shteteve të Bashkuara të Amerikës, Joe Biden, ka thënë se do ta kishte mposhtur Donald Trumpin dhe do të kishte fituar zgjedhjet më 5 nëntor.
Duke folur për “USA Today”, Bideni megjithatë shtoi se nuk ishte i sigurt nëse do të ishte në gjendje të mirë edhe për një mandat tjetër katërvjeçar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Deri tani, shumë mirë”, ka thënë 82-vjeçari. “Por kush e di se çfarë do të bëhem kur të jem 86 vjeç?”.
Në intervistë, Bideni gjithashtu bëri të ditur se po konsideron “faljen parandaluese” për armiqtë e Trumpit, duke përfshirë ish-kongresmenen republikane Liz Cheney dhe ish-zyrtarin e lartë shëndetësor Anthony Fauci.
“Falja parandaluese” jepet për persona që as nuk janë hetuar, e lëre më të akuzuar. Por Cheney dhe Fauci kanë qenë shënjestër e sulmeve të Trumpit, i cili ka paralajmëruar se do të hakmerret ndaj tyre.
Në intervistën e publikuar të mërkurën, Bideni ka thënë se ka qenë i drejtpërdrejtë me Trumpin dhe i ka treguar për planet për t’i falur Cheneyn dhe Faucin gjatë takimit të tyre në Zyrën Ovale menjëherë pas zgjedhjeve të 5 nëntorit.
“U përpoqa ta bëja të qartë se nuk kishte nevojë dhe ishte kundërintuitive që interesi i tij të kthehej mbrapa dhe të përpiqej të zgjidhte llogaritë”, ka theksuar Biden, duke shtuar se Trumpi nuk e zmbrapsi, por “thjesht dëgjoi”.
Vendimi përfundimtar, sipas Bidenit, do të varet nga kë zgjedh Trumpi për kabinetin e tij.
Për takimin në Zyrën Ovale, Bideni ka thënë se Trumpi e komplimentoi për ekonominë.
“Ai [Trump] mendoi se unë po largohem me histori të mirë”, ka deklaruar demokrati.
Intervista me “USA Today” është e vetmja intervistë që Bideni i ka dhënë deri më tani një botimi të shtypur.
Qasja e mediave në administratën Biden është kontrolluar rreptësisht nga Shtëpia e Bardhë. Presidenti nuk ka mbajtur konferencë për shtyp që kur u largua nga gara për president më 21 korrik, për t’i liruar rrugën Kamala Harrisit.