Aeroplanët ushtarakë të misionit të kontrollit ajror të NATO-s në Baltik, kanë rrëzuar një dron që u shfaq në hapësirën ajrore të Estonisë, shkruan “The Guardian”.
Droni u rrëzua mbi ligjenin Vorsjarv në jug të Estonisë.
Ministri i Mbrojtjes i Estonisë, Hanno Pevkur, ka konfirmuar lajmin për mediumin estonez “Delfi” dhe transmetuesin publik “ERR”.
Ai tha se ka shumë të ngjarë të ketë qenë dron ukrainas i drejtuar ndaj objektivave në veriperëndim të Rusisë, sistemet e të cilit ishin bllokuar dhe ishte devijuar në drejtimin e gabuar.
Kjo teori është konfirmuar veçmas edhe nga kryetari i Komitetit të Punëve të Jashtme të Parlamentit të Estonisë, Marki Mihkelson.
Edhe
Polonia do të dërgojë avionët e saj luftarakë në Estoni
Nuk është raportuar për viktima apo dëme. Rreth mesditës si Estonia ashtu edhe Letonia kanë lëshuar alarme për dronë në pjesët e saja të territorit.
Disa shtete anëtare të NATO-s në Baltik dhe Skandinavi kanë raportuar për inkursione nga dronët e dalë nga kontrolli në muajt e fundit.
Ukraina ka fajësuar Rusinë për “luftë elektronike” për t’i devijuar dronët ukrainas në Baltik.
Zëdhënësi i Ministrisë së Jashtme të Ukrainës, Heorhii Tykhyi, ka thënë se Rusia po përdor “luftë elektronike” për t’i bllokuar dhe ridrejtuar dronët ukrainas në Baltik.
“Ne i kërkojmë ndjesë Estonisë dhe të gjithë miqve tanë në baltikë për incidente të tilla të paqëllimshme”, tha Tykhyi.
Edhe
Rrëzohen në Letoni dy dronë rusë, dëmtojnë objektin e magazinimit të naftës
Duke iu përgjigjur pretendimeve ruse ai ka shtuar se “Estonia, Letonia, Lituania e Finlanda kurrë se kanë lejuar që hapësira e tyre ajrore të përdoret për sulme kundër Rusisë. Ai ka thënë se Ukraina as që e ka kërkuar këtë ndonjëherë.
E NATO ka thënë se po e heton incidentin dhe është e gatshme të reagojë ndaj çdo kërcënimi të mundshëm ajror.
