-
Përktheu:
Flutura Gashi-Mehmeti
- 2 shtator 2025 15:55
- Shpërndaje në:
Një gjyqtar federal të martën e ka bllokuar administratën Trump nga vendosja e Gardës Kombëtare në Kaliforni për të luftuar krimin.
Gjyqtari i Qarkut Amerikan me seli në San Francisko, Charles Breyer, ka lëshuar urdhrin, duke pezulluar vendimin deri më 12 shtator.
Trumpi ka urdhëruar 4,000 trupa të Gardës Kombëtare dhe 700 trupa të Marinës Amerikane në detyrë aktive në Los Angeles në qershor, në përgjigje të protestave kundër bastisjeve të imigracionit në qytetin e dytë më të madh të SHBA-së, raporton Reuters.
Vendosja ka shkaktuar tensione në qytet dhe u është dënuar nga demokratët, të cilët kanë thënë se Trumpi po përdor ushtrinë për të shtypur kundërshtimin ndaj politikave të tij të ashpra të imigracionit.
Çështja ka ngritur pyetje të reja ligjore në lidhje me autoritetin presidencial.
Padia nga Newsom, një demokrat i shquar, pretendonte se vendosja e trupave ka shkelur normat e vjetra të SHBA-së dhe një ligj të njohur si Akti “Possse Comitatus”, i cili kufizon ndjeshëm përdorimin e trupave federale për zbatimin e ligjit në vend.
Administrata Trump ka kundërshtuar duke thënë se Kushtetuta e SHBA-së u lejon presidentëve të përdorin trupa për të mbrojtur personelin dhe pronën federale si një përjashtim nga Akti “Posse Comitatus”.