-
Përktheu:
Flutura Gashi-Mehmeti
- 20 prill 2026 10:16
- Shpërndaje në:
Partia e Rumen Radev, “Bullgaria Progresive”, ka fituar zgjedhjet parlamentare bullgare të së dielës - zgjedhjet e teta të përgjithshme në pesë vjet.
Me 87% të votave të numëruara, partia e tij Bullgaria Progresive (PB) ka siguruar një shumicë prej të paktën 135 vendesh në parlamentin me 240 vende.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPB-ja ka mundur koalicionin liberal PP-DB, i cili ka arritur në 15%, dhe partinë GERB të ish-kryeministrit Boiko Borisov, e cila kishte 13%, sipas komisionit.
Zgjedhjet u shpallën pasi qeveria e mëparshme u përpoq të miratonte një buxhet të diskutueshëm në dhjetor, duke shkaktuar protesta masive të cilat Radev, si president, i ka mbështetur.
"Njerëzit hodhën poshtë vetëkënaqësinë dhe arrogancën e partive të vjetra dhe nuk ranë pre e gënjeshtrave dhe manipulimeve. I falënderoj për besimin e tyre", ka thënë Radev në fjalimin e tij të fitores.
Ai premtoi të ndërtonte "një Bullgari të fortë në një Evropë të fortë".
"Ajo që i duhet Evropës tani është mendimi kritik, veprimet pragmatike dhe rezultatet e mira, veçanërisht për të ndërtuar një arkitekturë të re sigurie dhe... për të rikuperuar fuqinë dhe konkurrueshmërinë e saj industriale. Ky do të jetë kontributi kryesor i Bullgarisë në misionin e saj evropian", ka thënë ai.
Radev, 62 vjeç, shihet si një udhëheqës pragmatik, disi pro-rus, i cili ka kritikuar sanksionet e BE-së dhe ka bërë thirrje për dialog konstruktiv me Kremlinin.
Ai ka kundërshtuar mbështetjen ushtarake bullgare për Ukrainën, por nuk ka gjasa të përsërisë rolin e kryeministrit hungarez Viktor Orban si një pengues i mbështetjes së BE-së për Kievin.
Ai kishte dhënë dorëheqjen pas nëntë vjetësh si president në janar për të formuar lëvizjen e tij të re.