-
Përktheu:
Flutura Gashi-Mehmeti
- 13 maj 2026 09:43
- Shpërndaje në:
Izraeli është i shqetësuar se presidenti amerikan, Donald Trump, mund të arrijë një marrëveshje me Iranin përpara se të trajtohen disa nga çështjet më të rëndësishme që i shtynë dy vendet të hynin në luftë që në fillim, kanë thënë për CNN disa burime izraelite.
Sipas burimeve, një marrëveshje që do ta linte programin bërthamor të Teheranit pjesërisht funksional, ndërsa do të anashkalonte çështje si raketat balistike dhe mbështetja për grupet aleate rajonale, do ta bënte Izraelin ta shihte luftën si të papërfunduar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Shqetësimi kryesor është që Trumpi do të lodhet nga bisedimet dhe do të bëjë një marrëveshje – çfarëdo marrëveshjeje, me lëshime të minutës së fundit”, ka thënë një burim izraelit.
Ndërsa zyrtarët amerikanë e kanë siguruar Izraelin se çështja e rezervave iraniane të uraniumit të pasuruar në nivel të lartë do të trajtohet, burimi ka thënë se përjashtimi i dukshëm i raketave balistike dhe rrjetit të grupeve aleate të Teheranit nga bisedimet “është një çështje shumë serioze”.
Irani ka lëshuar mbi 1,000 raketa balistike ndaj Izraelit dhe vendeve arabe të Gjirit gjatë luftës, si dhe sulme të shumta me dronë.
Sipas zyrtarëve, një marrëveshje e pjesshme që nuk adreson disa nga kapacitetet kryesore të Iranit, ndërkohë që lehtëson presionin ekonomik ndaj vendit, mund të stabilizojë regjimin dhe t’i sigurojë atij një fluks të madh parash.
Këto shqetësime nxjerrin në pah dallimet mes Trumpit, i cili duket hezitues për të rifilluar luftën, dhe Benjamin Netanyahut, i cili druhet se konflikti do të përfundojë pa arritur të gjitha objektivat fillestare.
Zëdhënësja e Shtëpisë së Bardhë, Olivia Wales, ka thënë se Irani “e di shumë mirë se realiteti aktual nuk është i qëndrueshëm”, duke insistuar se Trumpi “i mban të gjitha kartat në negociata”.
“Raketat e tyre balistike janë shkatërruar, objektet e prodhimit janë çmontuar, marina e tyre është fundosur dhe grupet aleate janë dobësuar”, ka thënë Wales në një deklaratë për CNN.
Megjithatë, një marrëveshje mes SHBA-së dhe Iranit për t’i dhënë fund luftës mbetet larg të qenit e sigurt, pasi ende ekzistojnë dallime të mëdha mes dy palëve lidhur me rihapjen e Ngushticës së Hormuzit dhe të ardhmen e programit bërthamor të Teheranit. Ndërkohë, Izraeli po përgatitet për mundësinë që luftimet të rifillojnë.
Por administrata Trump vazhdon të kërkojë një zgjidhje diplomatike, duke treguar se nuk është e gatshme të rinisë një konflikt që ka shkaktuar rritje të ndjeshme të çmimeve të karburanteve në SHBA.