Izraeli kërcënon të shtojë sulmet ndaj Hezbollahut në Liban

Izraeli ka kërcënuar të shtojë sulmet e tij kundër Hezbollahut në Libanin jugor, një ditë pasi ministria libaneze e Shëndetësisë ka raportuar se katër persona ishin vrarë në një sulm ajror izraelit.

Pavarësisht armëpushimit të nëntorit 2024, Izraeli mban trupa në pesë zona në Libanin jugor dhe ka vazhduar sulmet e rregullta.

Ministri izraelit i Mbrojtjes, Israel Katz, ka akuzuar qeverinë libaneze për vonimin e përpjekjeve për të shpërbërë Hezbollahun.

"Hezbollahu po luan me zjarrin dhe presidenti i Libanit po zvarritet",ka thënë Katz në një deklaratë.

"Angazhimi i qeverisë libaneze për të çarmatosur Hezbollahun dhe për ta larguar atë nga Libani jugor duhet të zbatohet. Zbatimi maksimal do të vazhdojë dhe madje do të intensifikohet, ne nuk do të lejojmë asnjë kërcënim për banorët e veriut”, ka shtuar ai.

Kërcënimet e Katzit kanë ardhur ndërsa Forcat Mbrojtëse izraelite kanë konfirmuar se kishin kryer një sulm ajror në Libanin jugor gjatë natës, i cili ka lënë të vdekur katër anëtarë të Forcës elitare Radëan të grupit militant.

Hezbollahu i mbështetur nga Irani është dobësuar shumë nga më shumë se një vit armiqësish me Izraelin, por mbetet i armatosur dhe financiarisht i qëndrueshëm. 

Në shtator 2024, Izraeli ka vrarë kreun e hershëm të grupit, Hassan Nasrallah së bashku me shumë udhëheqës të tjerë të lartë gjatë rrjedhës së luftës.