-
Përktheu:
Flutura Gashi-Mehmeti
- 24 korrik 2024 18:43
- Shpërndaje në:
Komisioni Evropian kritikoi zhvillimin e sundimit të ligjit në Hungari, Itali dhe Sllovaki, por mirëpriti reformat në Poloni dhe Spanjë, gjatë prezantimit të mërkurën të gjendjes së institucioneve themelore demokratike në Bashkimin Evropian.
"Mbrojtja e shtetit të së drejtës është një punë e vazhdueshme”, u ka thënë gazetarëve nënpresidentja e Komisionit Evropian, Vera Jourova në një konferencë shtypi në Bruksel.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Ne shohim se nevojiten veprime të mëtejshme, veçanërisht kur ndodhin çështje sistemike dhe kthim prapa në disa vende”, ka shtuar ajo, raporton AP.
Vendet e BE-së kishin adresuar plotësisht ose pjesërisht 68% të rekomandimeve të dhëna nga Komisioni Evropian në vitin 2023, zbuloi dega ekzekutive e BE-së në raportin e fundit vjetor mbi gjendjen e gjyqësorit, përpjekjet kundër korrupsionit, lirinë e shtypit dhe shoqërinë civile, në secilin nga 27 shtetet anëtare.
Por Hungaria, për shembull, nuk kishte bërë përparim në zbatimin e asnjë prej shtatë rekomandimeve të reformës, të përcaktuara nga Komisioni Evropian vitin e kaluar.
“Hungaria është një çështje reale sistematike për Komisionin në lidhje me sundimin e ligjit”, ka thënë Komisioneri Evropian për Drejtësi, Didier Reynders.
Jourova ka folur edhe për zhvillimet në Itali të mërkurën.
"Ne shprehëm shqetësime në lidhje me pavarësinë dhe financimin e mediave të shërbimit publik”, ka thënë zyrtari çek i BE-së.
Në maj, gazetarët në transmetuesin shtetëror të Italisë "RAI" hynë në grevë për të protestuar kundër riorganizimit të buxhetit dhe asaj që ata e panë si një atmosferë gjithnjë e më represive për median, nën qeverinë e kryeministres, Giorgia Meloni.
“Ne kemi shprehur nevojën për masa mbrojtëse për vite me radhë, por me incidentet e reja të raportuara nga palët e interesuara dhe shkurtimet e buxhetit, kjo po bëhet shumë urgjente”, është shprehur Jourova.
Ndërkaq Sllovakia, nën qeverinë e kryeministrit populist Robert Fico, mori gjithashtu një notë të dobët të mërkurën. Sipas shtatë prej rekomandimeve të përcaktuara në raportin e vitit të kaluar, nuk kishte pasur vetëm "pak përparim" në një prej tyre.
Zyrtarët e lartë të BE-së vlerësuan përparimin në Varshavë dhe Madrid.