-
Përktheu:
Flutura Gashi-Mehmeti
- 19 shkurt 2026 11:35
- Shpërndaje në:
Administrata Trump po planifikon të ndërtojë një bazë ushtarake me kapacitet 5,000 persona në Gazë, që do të shtrihet në më shumë se 1 kilometër katror, sipas dokumenteve të kontraktimit të Bordit të Paqes të shqyrtuara nga The Guardian.
Vendi parashikohet si një bazë operative ushtarake për një Forcë të ardhshme Ndërkombëtare Stabilizimi (ISF), e planifikuar si një forcë shumëkombëshe e përbërë nga trupa të premtuara nga vende të ndryshme.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoISF është pjesë e Bordit të sapokrijuar të Paqes, i cili synon të qeverisë Gazën. Bordi i Paqes kryesohet nga Donald Trumpi dhe drejtohet pjesërisht nga dhëndri i tij, Jared Kushner.
Planet e shqyrtuara nga The Guardian parashikojnë ndërtimin me faza të një posti ushtarak që përfundimisht do të ketë përmasa 1,400 me 1,100 metra, i rrethuar nga 26 kulla vrojtimi të blinduara, një poligon për armë të lehta, bunkerë, dhe një magazinë për pajisje ushtarake për operacione. E gjithë baza do të rrethohet me tela me gjemba.
Fortifikimi planifikohet në një zonë të thatë dhe të sheshtë në jug të Gazës, dhe e mbuluar me mbetje metali të mbetura nga vite bombardimesh izraelite.
Një burim i afërt me planifikimin i ka thënë gazetës se një grup i vogël ofertuesish, kompani ndërkombëtare ndërtimi me përvojë në zona lufte, tashmë e kanë vizituar vendin.
Qeveria indoneziane raportohet se ka ofruar të dërgojë deri në 8,000 trupa.
Presidenti i Indonezisë ishte një nga katër liderët e Azisë Juglindore që pritej të merrnin pjesë në takimin inaugurues të Bordit të Paqes në Uashington DC të enjten.
Këshilli i Sigurimit i OKB-së autorizoi Bordin e Paqes të krijojë një Forcë të përkohshme Ndërkombëtare Stabilizimi në Gazë. Sipas OKB-së, ISF do të ketë për detyrë sigurimin e kufijve të Gazës dhe ruajtjen e paqes brenda territorit. Ajo gjithashtu pritet të mbrojë civilët dhe të trajnojë e mbështesë “forca të verifikuara të policisë palestineze”.
Nuk është e qartë se cilat do të jenë rregullat e angazhimit të ISF-së në rast përleshjesh, bombardimesh të reja nga Izraeli apo sulmesh nga Hamasi. Po ashtu, mbetet e paqartë çfarë roli do të ketë ISF në çarmatosjen e Hamasit, një kusht i Izraelit për të vazhduar me rindërtimin e Gazës.
Ndërsa më shumë se 20 vende janë regjistruar si anëtare të Bordit të Paqes, pjesa më e madhe e botës ka qëndruar jashtë. Edhe pse u krijua me miratimin e OKB-së, statuti i organizatës duket se i jep Trumpit drejtim dhe kontroll të përhershëm.
Ekspertët thonë se strukturat e financimit dhe qeverisjes janë të paqarta, dhe disa kontraktorë i kanë thënë The Guardian se komunikimet me zyrtarët amerikanë shpesh zhvillohen përmes aplikacionit Signal dhe jo përmes emailit zyrtar qeveritar.