Borussia Dortmund – RB Leipzig është prej ndeshjeve kryesore të xhiros së nëntë të Bundesligës gjermane. Kjo ndeshje zhvillohet të shtunën prej orës 18:30.
Dortmundi është në moment të keq, përkatësisht në seri prej tri humbjeve. Pësoi 5:2 nga Real Madridi në Champions e më pas humbi nga Augsburgu në Bundesligë dhe nga Wolfsburgu në ndeshjen për Kupë të Gjermanisë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPas xhiros së tetë në Bundesligë, është në pozitën e shtatë me 13 pikë.
RB Leipzigu ka nisur mbarë edicionin në kampionatin gjerman. I ka 20 pikë, sa edhe lideri, Bayerni.
Leipzigu synon të vazhdojë garën për kreun, ndërkohë që te Dortmundi janë të vendosur t’i japin fund periudhës shterpe.
Po të shtunën, Bayerni luan nga ora 15:30 ndaj Union Berlinit. Nuk do të jetë ndeshje e lehtë për bavarezët. Union Berlini i ka 15 pikë në vendin e katërt dhe shpreson të marrë pikë ndaj liderit.
Në Bundesligë, gjashtë ndeshje janë të shtunën e dy të tjera të dielën. Xhiroja mbyllet me takimin Borussia Moenchengladbach – Werder Bremen, që zhvillohet të dielën nga ora 17:30.