Ka përfunduar 2:2 ndeshja mes Prishtinës dhe Dritës.
Ndeshja e së dielës mbrëma në “Fadil Vokrri”, e zhvilluar të dielën mbrëma, e mbylli xhiron e katërt të Superligës.
Pjesa e parë i takoi kampiones në fuqi, Dritës.
Egzon Bejtullai në minutën e 29-të dhe Vesel Limaj në minutën e 31-të shënuan për 2:0 në të mirë të gjilanasve.
Prishtina reagoi vetëm në pjesën e dytë.
Për 2:1 shënoi Ardian Muja në minutën e 77-të. Ndërkohë në 2:2 rezultatin e barazoi rezervisti tjetër, Alban Shillova.
Prishtina ishte madje pranë fitores, por Faton Maloku bëri pritje vendimtare në minutat shtesë.
Drita mbetet pa fitore në Superligë. I ka dy barazime e një humbje. Renditet e parafundit, por ka një ndeshje më pak të luajtur. Prishtina është e treta me shtatë pikë, dy më pak se Dukagjini i vendit të parë.
Prishtina e mori barazimin e parë, ndërsa ka edhe dy fitore e një humbje.
Dramë në “Fadil Vokrri”, barazon Prishtina
Prishtina ka barazuar në 2:2 rezultatin në ndeshjen ndaj Dritës. Alban Shillova shënoi në minutën e 89-të.
Prishtina ngushton rezultatin
Prishtina e ka ngushtuar në 2:1 rezultatin në ndeshjen ndaj Dritës.
Prishtinasit shënuan në minutën e 77-të.
Drita po fiton në “Fadil Vokrri”
Drita po fiton 2:0 pas pjesës së parë ndaj Prishtinës.
Ndeshja po luhet në stadiumin “Fadil Vokrri” dhe i takon xhiros së katërt të Superligës së Kosovës në futboll.
Për 1:0 realizoi Egzon Bejtullai me kokë pas harkimit nga këndi në minutën e 29-të
Dy minuta më pas, Vesel Limaj, e dyfishoi rezultatin. Ai realizoi gol të bukur nga afërsia.
Dy gola të shpejt të Dritës në “Fadil Vokrri”
Drita ka realizuar dy gola të shpejtë ndaj Prishtinës në ndeshjen që po zhvillohet në stadiumin “Fadil Vokrri”.
Për 1:0 realizoi Egzon Bejtullai me kokë pas harkimit nga këndi në minutën e 29-të
Dy minuta më pas, Vesel Limaj, e dyfishoi rezultatin. Ai realizoi gol të bukur nga afërsia.