Dion Gallapeni i ka dhënë fund aventurës te skuadra e Prishtinës. Prishtina të shtunën mbrëma e njoftoi largimin e Gallapenit.
Mbrojtësi i talentuar karrierën do ta vazhdojë në Poloni. Prishtina nuk e ka bërë të ditur emrin e klubit se ku është transferuar Gallapeni. Por mediumet polake kanë raportuar se Gallapeni do t’i bashkohet skuadrës Widzew Lodz.
20-vjeçari Gallapeni pjesë e skuadrës së parë të Prishtinës ishte nga viti 2023.
Ai dha kontribut të madh që Prishtina në edicionin e kaluar ta fitonte Kupën e Kosovës.
Gallapeni me Prishtinën ka luajtur në 61 ndeshje. Ka shënuar pesë gola dhe ka kontribuar me dhjetë asistime.
