Sulmuesi anglez, Harry Kane, ka munguar të mërkurën në seancën stërvitore të Bayernit për shkak të gripit. Kane nuk u paraqit në kampin stërvitor të gjigantit gjerman edhe të martën dhe është në dyshim për ndeshjen kundër Hoffenheimit, të dielën.
Pjesë e rëndësishme e Hoffenheimit janë tre futbollistët e Kosovës, Fisnik Asllani, Leon Avdullahu dhe Albian Hajdari.
Kane për Bayernin është shumë i rëndësishëm. Ai është golashënuesi më i mirë i ekipit me 22 gola nga 20 ndeshje në Bundesligë. Në total këtë edicion ka shënuar 36 gola në 32 ndeshje.