Ish-futbollisti i njohur i Shqipërisë, Klodian Duro, ka nisur punë si trajner në Ligën e Parë të Kosovës.
Duro të hënën mori drejtimin e Lirisë së Prizreni. Në njoftimin zyrtar, Liria ka shkruar se Duro vjen me synim për ta kthyer klubin me nam prizrenas në Superligën e Kosovës.
47-vjeçari ka luajtur si mesfushor ofanziv në Turqi, Gjermani, Qipro, Austri e Shqipëri. Për kuqezinjtë i ka luajtur plot 77 ndeshje, ndërsa i realizoi gjashtë gola.
Dukshëm më pak suksese ka pasur në karrierën e deritashme si trajner.
Ka drejtuar Kukësin, Kamzën, Luftëtarin dhe Lushnjen në Shqipëri, ndërsa në Kosovë drejtoi Feronikelin dhe Gjilanin.
