Përfaqësuesja e Kosovës me lojtarë me gjymtyrë të amputuar kanë luajtur tjetër ndeshje në kuadër të Ligës D të Ligës së Kombeve.
Kosova u mposht 3:1 nga Rumania në duelin e dytë të luajtur në Bukuresht të Rumanisë. Rumania është nikoqire e grupit. Engjëll Haxhikadria realizoi supergol për Kosovën, pas një veprimi shumë të mirë individual nga gjysma e fushës.
Ndeshjet përfundojnë të dielën.
Kosova luan me Shqipërinë nga ora 13:00, ndërsa Rumania me Skocinë nga ora 15:00.
Shqipëria u mposht 12:0 nga Skocia të shtunën në ndeshjen tjetër.