Një nga më meritorët për barazimin pa gola të Kosovës ndaj Sllovenisë, portieri Arijanet Muriq, ka thënë se ky rezultat i mban në lojë për të synuar kualifikimin në Botërorin 2026.
“Në mbrojtje kemi luajtur për herë të parë së bashku, paraqitja ishte shumë e mirë. E ardhmja është e ndritur. Duhet të vazhdojmë para, të kemi besim. Kemi kërkuar fitoren sonte, por edhe barazimi nuk është rezultat i keq. Barazimi na mban në lojë”, ka thënë ai.
